SERAT WEDHATAMA PUPUH SINOM

SERAT WEDHATAMA PUPUH SINOM

Tujuan agar siswa dapat :

1.      Mengemukakan sejarah singkat Serat Wedhatama

2.      Mengemukakan isi Serat Wedhatama pupuh Sinom

3.      Mengemukakan pengertian tembang Sinom

4.      Mengemukakan pathokan tembang Sinom

1.      Serat Wedhatama

        Serat Wedhatama minangka salah setunggiling sastra tembang utawi kidung Jawa. Wedhatama saking tembung Jawa “Wredhatama”  ingkang artosipun “seratan/karya”,  Wedhatama mawi pun wudal, yaiku wedha artosipun ajaran lan tama artosipun kautamaan/utama. Serta Wedhatama diripta sejatine kagem pitutur luhur lan mangun budi pekerti, uga gladhi spiritual raja-raja Mataram.  Ananging wektu iki Wedhatama saged pun sinau dening sinten kemawon. Purnaning laku spiritual nyinau Wedhatama, yaiku: nemokake urip kang sejati, mangerti awake dewe, lan manunggaling kawula lan Gusti.

    Serat Wedhatama karipta dening Kanjeng Gusti Pangeran Adipati Arya (KGPAA) Sri Mangkunegara IV minangka Raja ing Kraton Mangkunegaran Solo. KGPAA Mangkungara IV wis misuwur bagagan kapinteran, kawicaksanan, lan kasekten. Mangkuenara IV menika pujangga/seniman agung ingkang sampun ngasilaken maneka warna karya seni, yaiku seni tari (beksa), tembang macapat, wayang wong, busana Langendriyan (Pakaian pengantin Jawa/Solo). Ing bidang ekonomi, Mangkunegara IV saged mangun pabrik gula ing Tasikmadu lan Colomadu taun 1861-1863, sara miwiti mangun stasiun Balapan ing kuta Solo. Minangka ngusir walandi/Belanda, Mangkunegara IV cukup nganggo “tulisan”, saengga rakyat saged urip tentrem (nglurug tanpa bala, menang tanpa ngasorake).

2.      Serat Wedhatama Pupuh Sinom

Wos kang kamot ing tembang Sinom (Wedhatama):

a.       Aweh pangalembana marang pawongan kang seneng ing sikep luruh, sabar, lan tresna asih.

b.      Nengenake kadewasaning akal, pikiran, rasionalitas, lan intelektual.

c.       Nuladhani temen-temen anggone meper hawa nepsu lan tansah gawe seneng atining liyan.

d.      Ngajarake telung nilai kang bisa ngangkat drajate manungsa, yaiku pangkat, bandha, lan     
      kapinteran.

e.       Ngajarake telung prakara kang dadi cagaking panguripan, yaiku lila yen kelangan, sabar nalika 
      entuk pacoban, lan nrima ing pandum pasarah sumarah marang Gusti.

f.        Ngadohi sipat angkara murka (nesu kang tanpa alesan, nutupi kaluputane dewe, milara marang 
      liyan, pengin dianggep pinter sanajan bodho, lan tansah duwe pamrih).

g.      Ngajarake kaluhuran budi kanthi cara seneng mapan ing papas sepi, reresik jiwa, ananging    
      tansah nglakoni kewajibane, lan gawe seneng atine liyan.

3.      Tembang Sinom

a.      Pangertene tembang Sinom

      Sinom ateges anom, taruna, srinata, roning kamal, pangrawit, weni, logondhang, lan           sapiturute. Sinom duwe karep pucuke godhong kang isih kecut. Sinom cocok kanggo           pambuka crita.

b.      Pathokan tembang Sinom

      Guru gatra: 9

      Guru wilangan lan guru lagu: 8a, 8i, 8a, 8i, 7i, 8u, 7a, 8i, 12a

c.       Watak tembang Sinom

      Watak tembang sinom iku tresna asih, canthas, trengginas,

d.      Makna Tembang Sinom

      Sinom iku maksude enom. Tembang iki nggambarake wayah enom, watake golek       
      pangalembana/grapyak, luwes, gampang srawung. Nglambangake wayah isih     
      jejaka/prawan.

e.       Tuladha Tembang Sinom

Sinom

5          6      6         6      6        6      6     6  

nu –    la –  da      la-    ku      u –  ta -  ma,  (8a)

 5         6       6       4         5      6          6 5    5  

tu –  mrap – e    wong   ta-   nah      Ja–  wi (8i)

   5         6       6      6       5         3     3    2 1  

wong     A- gung   ing  Ngek – si-  gan-  da (8a)

 1        2         3        2        1       6       5      6   

                                                  .                  .

Pa-     nem-   bah-    an      Se–   na-    pa-   ti (8i)

1      2     2      2      2        1      2  3  

Ka-  pa-   ti     a-    mar –  su-     di (7i)

1         1        1        2        1       6        1      2 

                                                   .     

su-     da-     ning    ha-    wa     lan    nep-   su (8u)

 6      1       1       1      1        1      1  

  .

pi-    ne-   su      ta-    pa      bra-   ta (7a)

1        2         3        2         1       6        5       6   

                                                   .                  .   

ta-     na-      pi-      ing      Si–   yang   ra-    tri (8i)

6       1        2       3,        2       2       2       2         3      2 1       6    1 2

 .                                                                                              .                

a –  me-    ma – ngun   kar–  ye–   nak    tyas -  ing     sa–    sa–   ma  (12a)

A.                Menelaah Serat wedhatama

Tujuan agar siswa dapat :

1.      Menerangkan makna kata sulit pada tembang Sinom Wedhtama

2.      Menerangkan makna setiap gatra pada tembang Sinom Wedhtama

3.       Menggali isi yang terkandung dalam Sinom wedhatama

4.       Menggali nilai-nilai yang terkandung dalam Sinom wedhatama

5.       Mensimulasikan nilai-nilai yang terkandung dalam Sinom wedhatama

1.       Tulisna werdine tembang ing ngisor iki!

Sakdurunge nulis werdine saben gatra, wacanen kanthi premati bausastra ing sakngisore tembang kang isine maknane tembung-tembung saka tembang Sinom sing dirasa angel dimangerteni maknane!

Tembang	Pratelan	Werdine
Sepisan	Nulada laku utama	Nuladhani tumindak ingkang uama/sae
	tumrape wong tanah Jawi	Kados piyayi ing tlatah Jawa
	wong agung ing Ngeksigonda	Raja saking Mataram
	Panembahan Senopati	Panembahan Senopati
	kapati amarsudi	Temenan anggenipun nggladhi/taberi
	sudaning hawa lan nepsu	Ngirangi hawa nepsu/angkara murka
	pinesu tapa brata	Kanthi cara prihatin, tapa
	tanapi ing siyang ratri	Tansah  makarya dedonga siyang dalu
	Amemangun karyenak tyasing sasama	Mangun katentreman ati tumrap sapada
Kapindho	Bonggan kang tan merlokena	Luputipun piyambak ingkang boten mangertosi
	mungguh ugering ngaurip	Ingkang dados aturan/tatanan ing panggesangan
	uripe lan tri prakara	Gesang menika kanthi tigang prekawis
	wirya arta tri winasis	kaluhuran, bandha, lan kapinteran
	kalamun kongsi sepi	Ananging menawi boten saged kalaksanan
	saka wilangan tetelu	Saking tigang prekawis kala wau
	telas tililasing janma	Telas tilasipun manungsa/manungsa sampun boten gadhah kaurmatan
	aji godhong jati aking	Langkung aji ron jati garing
	temah papa papariman ngulandara	Wusana sengsara, gelandangan, sia-sia
Katelu	Kang wus waspada ing patrap	Ingkang sampun mengertosi aturan/tata carane
	mangayut ayat winasis	Hangresepi mangertosi ajaran kapinteran/utama
	wusana wosing jiwangga	Wusanane mlebet wonten jiwa ragane
	melok tanpa aling-aling	Saged mirsani tanpa aling-aling/kanthi cetha
	kang ngalingi kalingling	Ingkang ngalingi sumingkir
	wenganing rasa tumlawung	Tinarbuka rasa sepi/suwung/mamring
	keksi saliring jaman	Katon sakabehing donya
	anglangut tanpa tepi	“Sepi” (ketidaktahuan) tanpa wates
	yeku aran  tapa tapaking Hyang Suksma	Menika dipunwastani “tapa tapaking Hyang Suksma” (Jalan menuju Tuhan)

1.   Bausastra saka tembang Sinom Wedhatama

aking                    : garing

amarsudi              : nggladi

anglangut             : sepi

arta                       : banda

ayat                      : ajaran

bonggan               : salahe dewe

janma                   : manungsa

jiwangga              : jiwa raga

kalamun               : ewadene

kalingking            : sumingkir

kapati                   : tenanan/temenan

karyenak              : katentreman

keksi                    : katon/ketok

kongsi                  : ora bisa

mangayut             : hangresepi

melok                   : ketok

merlokena            : mangerti

mungguh              : prayogane

Ngeksigonda       : Mataram

ngulandara           :kluyuran/ora duwe papan dumunung

nulada                  : Nyonto

ratri                      : wengi/bengi

papa                     : sengsara/mlarat

papariman            : glandangan/ngemis

patrap                   : aturan

pinesu                  : dilatih

saliring                 : sakabehe

tan                        : ora

tanapi                   : makarya

temah                   : tundhone/wusanane

tepi                       : wates

tumlawung           : sepi/nglangut

tyas                      : ati/nala

ugering                 : aturan

waspada               : mangerti/paham

wenganing           : pepadhang, menga

winasis                 : kapinteran/pinter

wirya                    : pangkat/drajat

wosing                 : ngisi

wusana                 : pungkasan

yeku                     : yaiku

B.   Membuat tembang Sinom

Tujuan agar siswa dapat :

1.      Membuat Tembang Sinom

2.      Menyunting tembang Sinom

3.       Menyajikan tembang Sinom

1.      Nganggit lan nyunting tembang Sinom

        Panulisane tembang macapat iku sejatine ora angel, amarga pathokan lan tata carane nulis wis cetha lan gumathok. Iku isa kaudi lumantar gladhen kaprigelan kang rutin. Tembang macapat iku minangka salah sijining karya sastra. Mula surasane lan basa kang digunakake milih tembung-tembung kang duwe wangun lan teges endah. Dene trap-trapan panulisane tembang macapat iku:

a.     Nemtokake watake tembang

      Ing babagan iki minangka trap-trapan sepisan nulis tembang macapat. Awit kanthi             

      nemtokake watak uga nemtokake pamilihane tembung kan gegayutan karo jinise tembang 

      macapat.

b.     Nemtokake pamilihe tembung

      Kaya dene nulis karya sastra liyane, panulisane tembang macapat uga milih tembung kang       duwe nilai kaendahan supaya karya kang tinulis duwe nilai becik.

c.     Nemtoake jinise tembang macapat

      Nemtokake jinise tembang macapat kudu wis dijumbuhake karo tema. Jinise tambang,      

      macapat wis ana pathokan kang baku, yaiku guru wilangan, guru lagu, lan guru gatra. 

     Mula ing trap-trapan iki wis wiwit cetha anggone bakal nulis tembang macapat. Nyunting        tembang sinom iku ateges mbenerake kesalahan-kesalahan ing tembang.

REFERENSI :

Materi Bahasa Jawa XI RPL SMKN 2 Karanganyar

Tweet